Velkommen til oss!

På Aldal Friluft ynskjer me å skape positive friluftsopplevingar gjennom aktivitet og sosiale samanhengar. Leig ein kano og sjå den flotte fjordbygda frå sjøen eller kom i gruppe for ein skreddarsydd opplevingspakke!

Kjerna i verksemda er friluftsleirar for barn samt tilpassa leirar for personar med ulike utfordringar. For grupper kan me tilby flotte friluftspakkar over ein eller fleire dagar. Innhaldet blir bestemt etter ynskjer og aktivitetane blir arrangert på fjorden og i den flotte skogs- og fjellnaturen i Samnanger.

Våre tilpassa friluftsdagar gjev personar med ulike fysiske og psykiske utfordingar ei unik oppleving. Med fokus på friluft får dei komme ut og aktivt delta i praktiske aktivitetar som fiske med line, pil og bue, bålkos og kanopadling. Moglegheitene er mange, og me finn ein måte å få alle i aktivitet!